احمد آباد
حضرت غوث العالم نے سفر دکن کاعزم کیا اوراحمد آبادتشریف لے گئے،جامع مسجد میں قیام فرمایا۔ وہاں شیخ الاسلام آپ کی خدمت میں آئے، یہ بڑے عالم و فاضل اور علوم وفنون ظاہری کے جامع تھے۔ علم ہیئت ونجوم اورحکمت میں بھی انھیں دخل تھا۔چند علمی مسائل حضرت سے دریافت کیے، حضرت نے ان کے شافی جوابات دیے؛ لیکن انھوں نے بحث شروع کردیا اور دورانِ گفتگو حضرت کی شان میں کچھ نازیبا الفاظ بھی کہہ گزرے، اسی شب انھوں نے خواب میں دیکھا کہ ایک بزرگ تشریف لائے ہیں اور فرمایا خبردارہو جاؤ تم نے سیداشرف سے گستاخانہ حجّت کی ہے۔ آج تمہارے اکابرین کی روحانیت تمہارے کام آگئی اور تم بچ گئے اگر آئندہ ایسی گستاخانہ جسارت کی تو سخت نقصان اٹھاؤ گے۔ شیخ الاسلام لرزاٹھے اورصبح ہی شہر کے ایک رئیس کواپنی سفارش کے لیے ہمراہ لے کر حضرت کی خدمت میں حاضر ہوئے اور اپنی غلطی کی معافی چاہی، اور اسی وقت شرفِ بیعت سے سرفراز ہوئے۔ خلوص وعقیدت کایہ عالم تھا کہ ایک ساعت کے لیے بھی خدمت سے جدا نہیں ہوتے تھے۔ حضرت نے کافی عرصہ گجرات میں قیام فرمایا اور ان کی تعلیم وتربیت کے بعد اجازت وخلافت سے سرفراز فرمایا۔ اس علاقے میں حضرت کے مریدین کی تعداد بہت زیادہ ہوگئی، ان کی ہدایت کے لیے ایک رسالہ تحریر فرمایا جس کانام ”اشرف الفوائد“ رکھا۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972